අඹ යාලුවෝ

Saturday, May 15, 2010

සීගිරි ළදුන් සහ ඒ වගේ ළදුන්


මේ වැඩෙත් වුණේ අපේ පූසො ටික 8 වසරෙ ඉන්නකොට. 8 වසර පුරුපුරුට අධ්‍යාපනය පැත්තෙන් ගොඩක් විශේෂ අවුරුද්දක් වුණාලු. මොකද ඔය අවුරුද්දෙ තමයි පුරුපුරු මුලින්ම පන්තියෙ පළවෙනිය වුණේ. ශිෂ්‍යත්වෙ ලියන්න කලින් හිටපු ඉස්කෝලෙදි මෑන්ස් හැමදාම පළවෙනිය තමයි. ඒ උණාට කුරුදුවත්තෙදි පන්තියෙ පළවෙනිය වෙනව කියන්නෙ එසේ මෙසේ දෙයක් නෙවෙයි කියල තමයි හැමෝම කිව්වෙ. පුදුම තරගයක් නොවැ තිබුණෙ. ඔන්න ඉතිං පොර ටෝක්ස් දුන්න කියල නං හිතන්න එපා යාළුවනේ! මේ කතාවට ඔය ටික නොදාම බෑ. පුරුපුරුටත් ඉතිං මල් හතයිලු! දෙමව්පියො, නෑදෑයො අතර පවා දැන් ඉතිං අම්බානට ප්ලේස් නොවැ.

පුරුපුරු හිටියෙ 8-H කියන පංතියෙලු. ඔය පංතියෙ ඉතිං බහුතරයක් හිටියෙ ටිකක් නාහෙට අහන්නෙ නැති ළමයි. (ළමයි කිව්වට කොලු තාත්තල. නැත්තං ඉතිං පුරුපුරු පංතියෙ එක වෙයිද??) පංති බාර ගුරුතුමියට හිටියෙත් ඉංග්‍රීසි උගන්නන ටිකක් වයසක මැඩම් කෙනෙක්. මුලදි නං පංතියෙ තත්ත්වය ටීචර්ට පාලනය කර ගන්න පුලුවන් මට්ටමකලු තිබුණෙ. හැබැයි කල් යද්දි, කොල්ලො සෙට් එක ෆිට් වෙද්දි පංතියෙ තත්ත්වය ටිකක් අවුට් ඔෆ් කොන්ට්‍රෝල් ගියාලු.

දැන් නං ටීචර්ට පංතිය පාලනය කර ගන්නම බැහැ. කොල්ලො සෙට් එකගෙ වැඩේම පංතිය ඇතුලෙ කෑ ගහන එකලු, දග වැඩ කරන එකලු. ඒ මදිවට පංතියට වෙන සබ්ජෙක්ට් උගන්නන්න එන අනිත් ගුරුවරුත් පුරුපුරුලගෙ ටීචර්ට බරබරේ දානවලු ළමයින්ගෙ විනය හොද නෑ කියල. ටීචරුත් ඉතිං නිකං හිටියෙ නෑ. හොදට කල්පනා කරල කරල තීරණය කළාලු ළමයින්ට ස්ථාන මාරු ලබා දෙන්ඩ. එතකොට තමන්ට සුපුරුදු සෙට් එක වෙනස් වෙන හින්ද ළමයි ටික සයිලන්ස් එකේ ඉදී කියල මැඩම් හිතන්න ඇතිනෙ!

ඔන්න ඉතිං එක දවසක් උදේ පංති බාර ගුරුතුමිය තමන්ගෙ තීරණය සුභ මොහොතින් ක්‍රියාත්මක කළාලු. දැං ළමයි ටික තැන් තැන් වලට මාරු කරල ඉවර වෙන්න ළගයි. ඕනෙම පංතියක ඉතිං විශේෂ කරදරකාර ළමයි කීප දෙනෙක් ඉන්නවනෙ! පුරුපුරුලගෙ පංතියෙත් ඒ වගේ ළමයි දෙන්නෙක් හිටියලු. ඒ තමයි රූපෙ සහ කෙන්දා. දැන් මැඩම්ට ප්‍රශ්නයක් මේ දෙන්නව කොතනටද දාන්නෙ කියල. කොතනට දැම්මත් මුන් දෙන්න හදන්න බෑ කියලත් මැඩම් දන්නව. මොනව වුණත් ඉතිං ළමයිනෙ! මැඩම් තීරණය කළාලු මේ දෙන්නව පංතියෙ ඉන්න හොදම ළමය ගාවට දාන්න. හොදම ළමය කියන්නෙ පන්තියෙ පළවෙනියටලු. ඉතිං පුරුපුරුට සිද්ද වුණාලු මේ වසවර්තියො දෙන්නව තමන්ගෙ දෙපැත්තෙන් වාඩි කරව ගන්න.

දැන් මැඩම් උගන්නන්න පටන් ගත්තලු. බලං ගියාම වැඩේ සාර්ථකයි. කොල්ලො සෙට් එකත් සයිලන්ස් එකේ ඉන්නවලු. මැඩම්ටත් සෑහෙන්න සතුටුයි. ඔන්න පළවෙනි පීරියඩ් එක ඉවර වෙලා මැඩම් යන්න ගියාලු. දෙවෙනි පීරියඩ් එක විද්‍යාව. සර් ඇබ්සන්ට්. කට්ටියට මාර සතුටුයිලු. රූපෙයි කෙන්දයි වහාම ක්‍රියාත්මක වන පරිදි මැද හිටපු පුරුපුරුව අයිනට දාල උන් දෙන්න එක ළග සෙට් වුණාලු. ටික වෙලාවකින් දෙන්න හොරෙන් හොරෙන් ඩෙස්ක් එක යට තියාගෙන මොනවද බලනවලු. බලනකොට මොකද්ද පොතක්. පුරුපුරුටත් ඉතිං ඕනෙ නැති මගුලක් නෑනෙ. මෑන්ස් හිතුවලු පොඩ්ඩක් හොට දාල බලන්න.

පුරුපුරු - මොනවද ඔයාල බලන්නෙ??

රූපෙ - පොතක්

පුරුපුරු - මොනවද පොතේ තියෙන්නෙ??

රූපෙ - ඇයි ඔයාටත් බලන්න ඕනෙද?

පුරුපුරු - ඔව් ඔව්!! මටත් පෙන්නන්නකො..
(පුරුපුරු පොඩි කාලෙ හරි ආසයි පොත් බලන්න)

ඉතිං පුරුපුරුගෙ ඉල්ලීම පරිදි රූපෙයි කෙන්දයි තමන් බල බලා හිටපු පොත පුරුපුරුටත් පෙන්නුවලු. පොතේ කියවන්න නං මහ ලොකු දෙයක් තිබුණෙ නෑලු. හැබැයි පින්තූර නං ගොඩක් තිබුණ. ඒ පින්තූර දැකපු පුරුපුරුගෙ ඇස් දෙක ලොකු වුණා. ඇග පුරා හීන් දාඩිය දැම්මා. බැලින්නං අර පොතේ තිබිල තියෙන්නෙ සීගිරි ළදුන් වගේ ළදුන්ගෙ රූප වගයක්ලු. වෙනසකට තිබුණෙ පොතේ හිටපු ළදුන් ඇත්ත අය වීමයි, ආසියානු වෙනුවට කොකේසියානු සම්භවයක් තිබීමත් විතරලු.

(ඔය දවස්වල ඉතිං ඔය වැඩේට යොදාගත්තෙ ගොඩක්ම මුද්‍රිත මාධ්‍ය නොවැ. විද්‍යුත්
මාධ්‍ය විරලයිනෙ. අනික අපේ යාළුවො තවම 8 වසරෙනෙ. ඉතිං සීගිරි ළදුන් වගේ ළදුන්ගෙ රූප දැක්කත් ඒකත් ලොකු දෙයක්ලු)

පුරුපුරු දැන් අම්බානට බය වෙලා. ලෝකෙ තමං වටේ කැරකෙනව වගේලු. වෙව්ලනවලු. කවුරු හරි දැක්කනං එහෙම? මාර කේස් එක. ඉස්කෝලෙන් අස් කරානං එහෙම? මුන්ට පිස්සුද මන්දා! ඇත්තටම මේ සුද්දියන්ට ලැජ්ජ නැද්ද?? දහසක් සිතුවිලි දැන් පුරුපුරුගෙ ඔලුව ඇතුලෙ පිස්සු නටනවලු. ඒ වුණාට පුරුපුරුට කවදාවත් සීගිරි ළදුන් දැකල මෙහෙම හිතිල නැහැ. දේශීයත්වය නොවැ!

කොහොම හරි අන්තිමට වුණේ අපේ වසවර්ති යාළුවො දෙන්න හැදිච්ච එක නෙවේ, හොදට හිටපු පුරුපුරුවත් නරක් වෙච්ච එක. කොහොමද වැඩේ!

17 comments:

  1. කියල වැඩක් නෑ..

    ReplyDelete
  2. සිරා.. දිගටම ලියන්න

    ReplyDelete
  3. බොහොම තෑන්ක් යූ වේවා යාළුවනේ!

    ReplyDelete
  4. අයියෝ පුරු ඔයාටමනෙ වෙන හරියක්වෙන්නෙ.

    ReplyDelete
  5. ඒවා දැක්කම වල් වෙන්නෙ.... ඒවා නිකං උල් වගේ නිසා වෙන්න ඇතිනේ....

    ReplyDelete
  6. ඇඬෙනව....
    මරු කතාව, දිගටම ලියන්න !!!!

    ReplyDelete
  7. හික් හික් හික්.... මට නම් ඔය සීගිරි ලදුන් හම්බුනේ 10 වසරෙදි විතර හික් හික්

    ReplyDelete
    Replies
    1. Ammo pissa ayye😊

      Delete
    2. Ammo pissa ayye😊

      Delete
  8. @isimbuwa - ඒකනෙ වැඩේ :)
    @ මාතලන් - :D
    @ කොඩි - බොහෝම ස්තුතියි මචං :D
    @ පිස්සා - පුරුපුරුටත් 10 වසරෙදි තමයි විද්‍යුත් මාධ්‍යයෙන් සීගිරි ළදුන් හම්බවුණේ, හික්ස්

    ReplyDelete
  9. ඔය වගේ සිද්දි හුඟක් වෙන්නෙ 8 වසරෙදි තමා

    ReplyDelete
  10. මා ව හිනස්සනවට ඔයාට පින්

    ReplyDelete
  11. @ රවා - කොමෙන්ටු වලින් මාව සැනසවීම ගැන ඔබතුමාටත් පින්!!:)

    ReplyDelete
  12. ස්ථාන මාරු දීම ඒ කාලේ ප්‍රසිද්ධ දෙයක්නේ....
    :b:b:b:b:b:b:b:b:b:b:b:b

    ReplyDelete
  13. ha ha... mamath hitye oya panthiye thamai.. (8-H)
    parana dewal apahu matak karanakota patta machan..digatama liyapan.. thanks

    ReplyDelete

ඔයාල මොකද හිතන්නෙ ඒ ගැන???